ජීවිතය, අපට පෙනෙන, දැනෙන ලෝකය, අපගේ පංච ඉන්ද්රීයනනට ග්‍රහණය වන ලෝකයේ වෙනස්වීම්, අප ඒ වෙනසට කැමතිව හෝ අකමැතිව, වෙනස් කල නොහැකි පරමාර්ථ සත්‍යයකි, ධර්මතාවකි. එනමුදු මානව සංහතියේ පරිනාමය යම් දිනෙක හෝමෝ සේපියන් සිට ගල්යුගය තුලින් බයිබලයේ මුනිනාමකරණය (Canonization), නුතන අධිරාජ්‍යවාදය, ධනවාදය, දේශපාලන පසමිතුරන් දඩයම, ස්ටලින්වාදය, නාසිවාදය සහ අද වෙනකොට ජනප්‍රියව පවතින ජනාධිකාරවාදයේ (Populism) සිට තොරතුරු සහ සත්‍යය, නිලධරය සහ මිථ්‍යාව, ප්‍රඥාව සහ බලය අතර ඇති සංකීර්ණ සම්බන්ධය ගැන අපට මැනවින් සලකා බැලිය යුතුවේ. එමනිසා අප මානව පරිනාමය ගැන පමණක් නොව, දේශපාලන, ආර්ථික, සංස්කෘතික සමාජීය විනය, සහකම්පනය “දියුණු මානවයෙකු ලෙස, මානව සංහතියේ අනුලංඝනීය වගකීම හා කාර්යභාරය, ස්වභාවික තෝරාගැනීම නිසාම ලෝකයට බිහිවෙන අපගේ එකිනෙකා වෙනුවෙන් තිබිය යුතු සමාජ වගකීම හා වගවීම සදහාවූ වෙනස ප්‍රගතිය සදහා පමණක්ම යොමුකිරීමේ දායකත්වය, වසර කිහිපයකට වරක් කලින් තිබුනාටත් වඩා නරක යැයි කලකිරෙන හුදු ආණ්ඩුවකට, පක්ෂයකට හෝ රාජ්‍ය ආයතනයකට, ආගමික සංස්ථාවකට පමණක් උනනය කල නොහේ.
මේ සම්භන්දව අප සියලුම ලාංකීය ජනතාව කාලීන හා වැඩදායි සුහද සංවාදයකට ආරාධනා කිරීම සදහා, අපි කතාන්දර, එකිනෙකාගේ සත්‍ය ජීවිත අත්දැකීම් මෙම පිටුවේ පලකිරීමට අදහස් කරමු. ඒ සමගම අපි අපෙන්ම ප්‍රශ්න කර ගනිමු. අපේ ජීවිතයේදීත් හොඳ වෙනසක් සඳහා අප යොමුකරවන “හොඳ මිනිසුන් කරන, හොඳ දේ අපට අත්දකින්න, අසන්නට ලැබෙනවාද? නැතිනම් ඒ ඇයි?
පැවති, දැනට පවතින රාජ්‍ය නායකත්වයක් හෝ පරිපාලනයක් තුල, එවන් සමාජ විනයක්, එකිනෙකා අනෙක් හැමෝටම වගකියන වගවෙන සමාජයක් නිර්මාණය කරගැනීමට, තනි තනි පුද්ගලයන් ලෙස හෝ අප කලයුත්තේ කුමක්ද?
එම අසීරු පැනයට පිළිතුරු දෙන ගමන්ම, “වෙනස්වෙමු ලංකා, වෙනස් කරමු ලංකා – ප්‍රගතිය කරා” උත්සාහයේ දායකයන් ලෙස, ඔබගේ අත්දැකීම් – සමාජය හොඳ වෙනසකට යොමුකලහැකි සාධනීය හෝ නිශේධනීය අත්දැකීම් අපට ලියා එවන්න.